مصحفی غلام ہمدانی

پر اتنے میں جو میں سوچوں ہوں یہ نہ رک جاوے
زباں پہ اپنی بھی اک آدھ حرف لاتا ہوں
کہے ہے دل یہ کہ ایسے سے دوستی ہے عبث
برائیوں کا جو اس کی خیال لاتا ہوں

یگانہ چنگیزی

دل کو لہراتا ہے ہنگامۂ زندان بلا
شور ایذا طلبی وجد میں لاتا ہے مجھے

خواجہ میر درد

جی کڑا کر کے ترے کوچے سے جب جاتا ہوں
دل دشمن یہ مجھے گھیر کے پھر لاتا ہے

جوش ملیح آبادی

انداز و ادا سے اے دنیا تو لاکھ سنور کر سامنے آ
یہ جوشؔ فقیر آزاد منش جب دھیان میں تجھ کو لاتا ہے

قتیل شفائی

تصور ایک ذہنی جستجو کا نام ہے شاید
دل ان کو ڈھونڈ کر لاتا ہوا محسوس ہوتا ہے