مصحفی غلام ہمدانی

بتا تو مصحفیؔ کیا تجھ کو ہو گیا کم بخت
کچھ ان دنوں ترا چہرہ تغیر پاتا ہوں

باقی صدیقی

دل کسی صورت ٹھہر پاتا نہیں
تو نظر کے سامنے ہے یا نہیں

جون ایلیا

ایذا دہی کی داد جو پاتا رہا ہوں میں
ہر ناز آفریں کو ستاتا رہا ہوں میں

جگر مراد آبادی

آ کہ تجھ بن اس طرح اے دوست گھبراتا ہوں میں
جیسے ہر شے میں کسی شے کی کمی پاتا ہوں میں
جب مکان و لا مکاں سب سے گزر جاتا ہوں میں
اللٰہ اللٰہ تجھ کو خود اپنی جگہ پاتا ہوں میں
یک بہ یک گھبرا کے جتنی دور ہٹ آتا ہوں میں
اور بھی اس شوخ کو نزدیک تر پاتا ہوں میں
تیری صورت کا جو آئینہ اسے پاتا ہوں میں
اپنے دل پر آپ کیا کیا ناز فرماتا ہوں میں

خواجہ میر درد

عشق ہرچند مری جان سدا کھاتا ہے
پر یہ لذت تو وہ ہے جی ہی جسے پاتا ہے