مصحفی غلام ہمدانی

گلی میں اس کی گئے اور وہاں سے پھر آئے
تمام عمر یہی اپنا کاروبار رہا

فیض احمد فیض

گلوں میں رنگ بھرے باد نو بہار چلے
چلے بھی آؤ کہ گلشن کا کاروبار چلے

عبدالحمید عدم

دروغ کے امتحاں کدے میں سدا یہی کاروبار ہو گا
جو بڑھ کے تائید حق کرے گا وہی سزاوار دار ہو گا

مصطفی زیدی

نگاہِ ناز مرے دل کے گھاؤ پر مت جا
خدا کرے کہ تجھے اپنا کاروبار آئے

حفیظ جالندھری

دیکھا نہ کاروبارِ محبت کبھی حفیظؔ
فرصت کا وقت ہی نہ دیا کاروبار نے

قتیل شفائی

یارو میں تو نکلا ہوں جاں بیچنے کو
تم کوئی اب سوچو کاروبار جدا

کلیم عاجز

لہو دلوں کا چراغوں میں کل بھی جلتا تھا
اور آج بھی ہے وہی کاروبار دیکھو تو

ناصر کاظمی

وفا ذریعۂ اظہارِ غم سہی ناصر
یہ کاروبار کوئی کاروبار بھی تو نہیں
حیاتِ درد کو آلودۂنشاط نہ کر
یہ کاروبار کوئی کاروبار اگر ہے بھی