مصحفی غلام ہمدانی

کیا فائدہ آہ دم بہ دم سے
ہے دردِ دل حزیں میں سمجھا

مصطفٰیٰ خان شیفتہ

آج ہی کیا دشمنوں سے قتل کی تدبیر ہے
اے جفا جو! در پئے جان حزیں تو کب نہ تھا

باقی صدیقی

جذبات میں بہہ گئے ہیں باقیؔ
واقف تھے نہ ہم دل حزیں سے

جگر مراد آبادی

جب تک الٰہی جسم میں جان حزیں رہے
نظریں مری جوان رہیں دل حسیں رہے

عبدالحمید عدم

دیکھو میں کہہ رہا ہوں تمہیں پے بہ پے عدمؔ
مجھ کو بہت حزیں نہ کرو میں نشے میں ہوں

تلوک چند محروم

ترا نام تسکیں دہ قلبِ مضطر
تری یاد آرام جان حزیں ہے

سلام مچھلی شہری

صرف اپنے ہی عزائم پہ بھروسا کر لے
کام کوئی بھی نہ اے قلبِ حزیں آئے گا

شبلی نعمانی

یہ نظم آئیں یہ طرز بندش سخنوری ہے فسوں گری ہے
کہ ریختہ میں بھی تیرے شبلیؔ مزہ ہے طرز علی حزیںؔ کا

عزیز حامد مدنی

جی ہے بہت اداس طبیعت حزیں بہت
ساقی کو پیالۂ مے آتشیں بہت
فریاد تھی چکیدۂ خون گلو تمام
نغمہ بھی ہم صفیر تھا کار حزیں بہت
اے انقلاب رنگِ طبیعت سنبھالنا
ہم بھی اٹھے ہیں بزم سے اب کے حزیں بہت

اختر ہوشیارپوری

وہی مناظر لٹے لٹے سے وہی شکستہ مکان اخترؔ
میں روزمرہ کے راستے سے جو گھر میں پہنچا بہت حزیں تھا