مصحفی غلام ہمدانی

در گزرے ہم ایسی زندگی سے
اتنا بھی نہ جی جلاؤ صاحب
تم وقت کے اپنے ہو مسیحا
مردے کے تئیں جلاؤ صاحب

عبدالحمید عدم

حسین نغمہ سراؤ! بہار کے دن ہیں
لبوں کی جوت جلاؤ! بہار کے دن ہیں
یہ انگبین سی راتیں بڑی مقدس ہیں
دلوں کے دیپ جلاؤ! بہار کے دن ہیں

بشیر بدر

کوئی ستارہ نہیں پتھروں کی پلکوں پر
کوئی چراغ جلاؤ بڑا اندھیرا ہے

فارغ بخاری

ہوئے ہیں سرد دماغوں کے دہکے دہکے الاؤ
نفس کی آنچ سے فکر و نظر کے دیپ جلاؤ