مصطفٰی خان شیفتہ

دشنام دیں جو بوسے میں ابرام ہم کریں
طبعِ غیور کو ہے پر اصرار سے حجاب

فیض احمد فیض

جانے کیا وضع ہے اب رسمِ وفا کی اے دل
وضعِ دیرینہ پہ اصرار کروں یا نہ کروں

جمال احسانی

ترے رستے میں میری دونوں آنکھیں تھیں فروزاں
دیا تو بس ترے اصرار پر رکھا ہوا تھا

ادا جعفری

ہر جذبۂ بے تاب کے احکام ہزاروں
ہر لمحۂ بے خواب کے اصرار بہت ہیں

ظہیر کاشمیری

ان سے کہہ دو سامنے آ کر اپنے جلوے عام کریں
خلوت ناز میں چھپ نہ سکیں گے ہم نے اگر اصرار کیا