مصطفٰی خان شیفتہ

شیفتہ ضبط کرو ایسی ہے کیا بے تابی
جو کوئی ہو تمہیں احوال سنانا دل کا

میر مہدی مجروح

صوت بلبل طرف انگیز سہی پر ہمدم
درد فرسودہ دلوں کو نہ سنانا ہرگز
زغن و زاغ کی گلشن میں صدا ہے ہر سو
مرغ خوش نغمہ نہ آواز سنانا ہرگز

عرفان صدیقی

کچھ تو فغاں کا خیر بہانا بھی ہوتا ہے
کچھ کم سماعتوں کو سنانا بھی ہوتا ہے

الطاف حسین حالی

یاروں کو ہمیں دیکھ کے عبرت نہیں ہوتی
اب واقعہ سب اپنا پڑا ہم کو سنانا

غلام محمد قاصر

نیندیں بھی نظر بند ہیں تعبیر بھی قیدی
زنداں میں کوئی خواب سنانا ہی نہیں تھا