مصطفٰیٰ خان شیفتہ

غیر پر رحم یہ کسے آیا
تم تو مانا ستم شعار نہیں

فیض احمد فیض

فیض زندہ رہیں وہ ہیں تو سہی
کیا ہوا گر وفا شعار نہیں

ادا جعفری

کوئی تو راہ تمنا میں ہم سفر ہوتا
کوئی تو کوئے وفا میں خطا شعار ملے

حفیظ جالندھری

آ ہی گیا وہ مجھ کو لحد میں اتارنے
غفلت ذرا نہ کی مرے غفلت شعار نے

شاد عظیم آبادی

سیاہ کار سیہ رو خطا شعار آیا
تری جناب میں تیرا گناہ گار آیا

فانی بدایونی

ضبط اپنا شعار تھا نہ رہا
دل پہ کچھ اختیار تھا نہ رہا

امیر مینائی

میرے بس میں یا تو یارب وہ ستم شعار ہوتا
یہ نہ تھا تو کاش دل پر مجھے اختیار ہوتا

فراق گورکھپوری

ان نگاہوں میں ہے شکایت سی
عشق شاید جفا شعار بھی ہے

میرا جی

کیا غلط سوچتے ہیں میراجیؔ
شعر کہنا شعار ہے اپنا