مصطفٰیٰ خان شیفتہ

واعظ جنوں زدوں سے نہیں باز پرسِ حشر
بس آپ فکر کیجیے اپنی نجات کا

باقی صدیقی

زیست لے بیٹھی ہے اپنے گلے
غم سے جب کچھ نجات ہوتی ہے
غم کا احساس تک نہیں باقیؔ
یوں بھی عم سے نجات ہوتی ہے

جگر مراد آبادی

تیری باتوں سے آج تو واعظ
وہ جو تھی خواہش نجات گئی

سراج الدین ظفر

یا رب سراب اہلِ ہوس سے نجات دے
مجھ کو شراب دے انہیں آبِ حیات دے

مصطفیٰ زیدی

گناہ میں بھی بڑے معرفت کے موقعے ہیں
کبھی کبھی اسے بے خدشۂ نجات تو دیکھ

جمال احسانی

تمام بیڑیاں تو کاٹ ڈالی ہیں لیکن
جمالؔ قید نفس سے نجات باقی ہے

سیف الدین سیف

اے دل تری موت کا بھی غم ہے
خوش بھی ہیں تری نجات پر ہم

فراق گورکھپوری

غم سے چھٹ کر یہ غم ہے مجھ کو
کیوں غم سے نجات ہو گئی ہے
مٹنے لگیں زندگی کی قدریں
جب غم سے نجات ہو گئی ہے
حیات دوزخیاں بھی تمام مبہم ہے
عذاب بھی نہ میسر ہوا کہاں کی نجات
جسے سب اہلِ جہاں زندگی سمجھتے ہیں
کبھی کبھی تو ملے ایسی زندگی سے نجات

محبوب خزاں

حسن اور نجات میں فصل مشرقین ہے
کون چاہتا نہیں حسن کو نجات کو