مصطفٰی خان شیفتہ

طلب گارِ راحت ہیں نا دردمند
اگر درد ہے فکرِ درماں عبث

فیض احمد فیض

بے بسی کا کوئی درماں نہیں کرنے دیتے
اب تو ویرانہ بھی ویراں نہیں کرنے دیتے

الطاف حسین حالی

گوہ شفا سے یاس پہ جب تک ہے دم میں دم
بن آئیگی نہ درد کا درماں کیے بغیر

بہزاد لکھنوی

اک بے وفا کو درد کا درماں بنا لیا
ہم نے تو آہ کفر کو ایماں بنا لیا

تلوک چند محروم

دم غمِ عشق کا بھرتے ہوئے نالے کرنا
آرزو درد کی اور طالب درماں ہونا

جوش ملیح آبادی

یوں ڈھل گیا ہے درد میں درماں کبھی کبھی
نغمے بنے ہیں گریۂ پنہاں کبھی کبھی

حسرت موہانی

بتِ بے ‌ درد کا غم مونس ہجراں نکلا
درد جانا تھا جسے ہم نے وہ درماں نکلا

سلام مچھلی شہری

میں تو کہتا ہوں تمہی درد کے درماں ہو ضرور
اور وہ کہتے ہیں کہ تم آج پریشاں ہو ضرور

فانی بدایونی

ہر تسلی سے سوا ہوتی گئی دل کی تڑپ
درد کچھ سے کچھ ہوا سامان درماں دیکھ کر

فراق گورکھپوری

فراقؔ اک اک سے بڑھ کر چارہ ساز درد ہیں لیکن
یہ دنیا ہے یہاں ہر درد کا درماں نہیں ہوتا

ناصر کاظمی

ہر چند غم بھی تھا مگر احساسِ غم نہ تھا
درماں نہ تھا تو ماتمِ درماں نہ تھا کبھی