مومن خان مومن

جور کا شکوہ نہ کروں ظلم ہے
راز مرا صبر نے افشا کیا
ڈر تو مجھے کس کا ہے کہ میں کچھ نہیں کہتا
پر حال یہ افشا ہے کہ میں کچھ نہیں کہتا

احسان دانش

چشمِ نرگس جائے شبنم خون روئے گی ندیم
میں نے جس دن گلستاں کا راز افشا کر دیا

اسرار الحق مجاز

تم بھی مجازؔ انسان ہو آخر لاکھ چھپاؤ عشق اپنا
یہ بھید مگر کھل جائے گا یہ راز مگر افشا ہو گا

ظہیر کاشمیری

جس راز میں شامل ہے ہمارا بھی فسانہ
اس راز کو کیا ہم پہ بھی افشا نہ کرو گے

خاطر غزنوی

رازِ دل جو تری محفل میں بھی افشا نہ ہوا
یا سرِ دار ہوا یا سر مے خانہ ہوا

سیماب اکبر آبادی

شکریہ ہستی کا! لیکن تم نے یہ کیا کر دیا
پردے ہی پردے میں اپنا راز افشا کر دیا

فانی بدایونی

جب ترا ذکر آ گیا ہم دفعتاً چپ ہو گئے
وہ چھپایا رازِ دل ہم نے کہ افشا کر دیا