مومن خان مومن

کیا دل کو لے گیا کوئی بیگانہ آشنا
کیوں اپنے جی کو لگتے ہیں کچھ اجنبی سے ہم

باقی صدیقی

خود کو لگتے ہیں اجنبی سے ہم
باز آئے اس آ گہی سے ہم
جنونِ عشق کی منزل وہی ہے
جہاں ہر آشنا بھی اجنبی ہے

جون ایلیا

ذات در ذات ہم سفر رہ کر
اجنبی اجنبی کو بھول گیا

احسان دانش

عرصۂ فرقت و فراق ایسا طویل تو نہ تھا
بھول رہے ہو تم مجھے میں کوئی اجنبی نہیں

بشیر بدر

تمام رشتوں کو میں گھر پہ چھوڑ آیا تھا
پھر اس کے بعد مجھے کوئی اجنبی نہ ملا

اختر امام رضوی

اپنوں کی چاہتوں نے بھی کیا کیا دیئے فریب
روتے رہے لپٹ کے ہر اک اجنبی کے ساتھ

احمد فراز

تجھ سے مل کر تو یہ لگتا ہے کہ اے اجنبی دوست
تو مری پہلی محبت تھی مری آخری دوست

قتیل شفائی

کیا ہے پیار جسے ہم نے زندگی کی طرح
وہ آشنا بھی ملا ہم سے اجنبی کی طرح

محسن نقوی

ملا تو بیتے دنوں کا سچ اس کی آنکھ میں تھا
وہ آشنا جس سے مدتوں اجنبی رہا ہوں

ناصر کاظمی

کیسے سنسان ہیں آسماں چپ کھڑے ہیں مکاں
ہے فضا اجنبی اجنبی سو رہو سو رہو
ناصر اس دیار میں
کتنا اجنبی ہے تو
لیے جاتی ہے موسموں کی پکار
اجنبی اجنبی درختوں میں