مومن خان مومن

کیا دل کو لے گیا کوئی بیگانہ آشنا
کیوں اپنے جی کو لگتے ہیں کچھ اجنبی سے ہم

باقی صدیقی

خود کو لگتے ہیں اجنبی سے ہم
باز آئے اس آ گہی سے ہم
جنونِ عشق کی منزل وہی ہے
جہاں ہر آشنا بھی اجنبی ہے

جون ایلیا

ذات در ذات ہم سفر رہ کر
اجنبی اجنبی کو بھول گیا

احسان دانش

عرصۂ فرقت و فراق ایسا طویل تو نہ تھا
بھول رہے ہو تم مجھے میں کوئی اجنبی نہیں

بشیر بدر

تمام رشتوں کو میں گھر پہ چھوڑ آیا تھا
پھر اس کے بعد مجھے کوئی اجنبی نہ ملا