مومن خان مومن

یہ عذر امتحان جذبِ دل کیسا نکل آیا
میں الزام اس کو دیتا تھا قصور اپنا نکل آیا

جون ایلیا

آئینوں کو زنگ لگا
اب میں کیسا لگتا ہوں

مجید امجد

رک کے اس دھارے میں کچھ سوچ اک یہ اچھا سا خیال
جو ترے حق میں ہے ، کیسا ہے ترے دل کے لیے

زہرا نگاہ

میں تو اپنے آپ کو اس دن بہت اچھی لگی
وہ جو تھک کر دیر سے آیا اسے کیسا لگا

ثروت حسین

وہ آئینہ جسے عجلت میں چھوڑ آئے تھے ساتھی
نہ جانے باد و خاک آثار میں کیسا ملے گا

حفیظ جالندھری

خدا لگتی کہو بت خانے والو
تمہارے ساتھ میں کیسا رہا ہوں

احمد فراز

کوئی غرقاب، کوئی ماہی بے آب ہوا
ابرِ بے فیض جو برسا بھی تو کیسا برسا

کلیم عاجز

ذرا دیکھ آئنہ میری وفا کا
کہ تو کیسا تھا اب کیسا لگے ہے