فیض احمد فیض

وہ عہد غم کی کاہشہائے بے حاصل کو کیا سمجھے
جو ان کی مختصر روداد بھی صبر آزما سمجھے
فیض تکمیل غم بھی ہو نہ سکی
عشق کو آزما کے دیکھ لیا

اسرار الحق مجاز

یہ شوق کی واردات پیہم یہ وعدۂ التفات پیہم
کہاں کہاں آزما چکے ہیں کہاں کہاں آزما رہے ہیں
وہ عشق کی وحشتوں کی زد میں وہ تاج کی رفعتوں کے آگے
مگر ابھی آزما رہے ہیں مگر ابھی آزما رہے ہیں
عاشقی جاں فزا بھی ہوتی ہے
اور صبر آزما بھی ہوتی ہے

بہزاد لکھنوی

آ رہا ہے کیوں کسی کا نام ہونٹوں تک مرے
اے دلِ مضطر تجھے صبر آزما سمجھا تھا میں

ثروت حسین

زمین میرے لیے پھول لے کے آتی ہے
بساط معرکۂ صبر آزما سے ادھر

حسرت موہانی

قسمت شوق آزما نہ سکے
ان سے ہم آنکھ بھی ملا نہ سکے

سیف الدین سیف

مری داستان حسرت وہ سنا سنا کے روئے
مرے آزمانے والے مجھے آزما کے روئے

سیماب اکبر آبادی

خودی کو راہ خدائی پہ لا رہا ہے کوئی
ابھی دماغ بشر آزما رہا ہے کوئی
آستاں سے ابھی نظر نہ ہٹا
کوئی تقدیر آزما ہے ہنوز

شکیل بدایونی

اہانت دل صبر آزما نہیں کرتے
بلند ہم بھی یہ دستِ دعا نہیں کرتے

فانی بدایونی

اب عشق کو بے نقاب کر کے
میں حسن کو آزما رہا ہوں
پھر امیدوار کرم ہوں کہ فانیؔ
ستم ہائے شوق آزما چاہتا ہوں
اس دور میں یہ طرز جفا آزما کے دیکھ
دل کے بجائے دل کے سکوں کو مٹا کے دیکھ
ہر زندگی کا نام نہ رکھ دل کی زندگی
ایمان زندگی پہ نہ لا آزما کے دیکھ