مرزا غالب

نہ لیوے گر خسِ جوہر طراوت سبزۂِ خط سے
لگادے خانۂِ آئینہ میں روئے نگار آتش

جون ایلیا

بزم سے جب نگار اٹھتا ہے
میرے دل سے غبار اٹھتا ہے

جگر مراد آبادی

مرے اشکِ خوں کی بہار ہے کہ مرقع غمِ یار ہے
مری شاعری بھی نثار ہے مری چشم سحر نگار پر
یہ فریب جلوہ ہے سر بسر مجھے ڈر یہ ہے دل بے خبر
کہیں جم نہ جائے تری نظر انہیں چند نقش و نگار پر

عبدالحمید عدم

سو کے جب وہ نگار اٹھتا ہے
مثل ابرِ بہار اٹھتا ہے