فیض احمد فیض

نوائے مرغ کو کہتے ہیں اب زیانِ چمن
کھلے نہ پھول، اسے انتظام کہتے ہیں

جون ایلیا

ہم ہیں مصروف انتظام مگر
جانے کیا انتظام کر رہے ہیں

عبدالحمید عدم

کچھ زہر کو ترستے ہیں کچھ مے میں غرق ہیں
ساقی یہ تیری بزم کا کیا انتظام ہے

قمر جلالوی

طالبِ دیدار کا اصرار کام آ ہی گیا
سامنے کوئی بحسنِ انتظام آ ہی گیا

جمال احسانی

اے میری جان انتشار پسند
تنگ ہوں تیرے انتظام سے میں
میں خالی ہاتھ ہی جا پہنچا اس کی محفل میں
مرا رقیب بڑے انتظام سے آیا

شکیل بدایونی

مجھ کو یاروں نے نہلا کے کفنا دیا دو گھڑی بھی نہ بیتی کہ دفنا دیا
کون کرتا ہے غم ٹوٹتے ہی یہ دم کر دیا انتظام آخری آخری

ناصر کاظمی

خدا اگر کبھی کچھ اختیار دے ہم کو
تو پہلے خاک نشینوں کا انتظام کریں
یہ شہرِ دل ہے شوق سے رہیے یہاں مگر
امیدِ انتظام نہیں آپ سے مجھے