فیض احمد فیض

کب یاد میں تیرا ساتھ نہیں، کب ہات میں تیرا ہات نہیں
صد شکر کہ اپنی راتوں میں اب ہجر کی کوئی رات نہیں

سراج الدین ظفر

آ ہم بھی رقص شوق کریں رقص مل کے ساتھ
اے گردش زماں میرے ہاتھوں میں ہات دے

مجید امجد

یہ کیا سکوں ہے ! اس سکوں میں کتنے اضطراب ہیں!
یہ کس کا میرے سینے پر خنک خنک سا ہات ہے

مصطفی زیدی

صرف اس نے نہیں دیا مجھے سوز
اس میں تیرا بھی ہات ہے اے دل
قدم قدم پہ تمنائے التفات تو دیکھ
زوال عشق میں سوداگروں کا ہات تو دیکھ

بشیر بدر

نیزہ زمیں پہ گاڑ کے گھوڑے سے کود جا
پر میں زمیں پہ آبلہ پا خالی ہات ہوں

ضیا جالندھری

دل جوئی کا انداز بھی نرمی بھی وہی ہے
سینے پہ ہوا رکھتی ہے جو ہات وہ تم ہو

اختر ہوشیارپوری

دریچے یوں تو کھل سکتے نہیں تھے
ہواؤں میں کسی کا ہات ہوگا

ناصر کاظمی

جب سے دیکھا ہے ترے ہات کا چاند
میں نے دیکھا ہی نہیں رات کا چاند

نوح ناروی

گلستاں فصلِ گل میں لٹ رہا ہے
حنا آئی تمہارے ہات کتنی