مرزا غالب

کرے ہے صرف بہ ایمائے شعلہ قصہ تمام
بہ طرزِ اہلِ فنا ہے فسانہ خوانیِ شمع
ہاں نشاط آمد فصلِ بہاری ، واہ واہ !
پھر ہوا ہے تازہ سودائے غزل خوانی مجھے

امام بخش ناسخ

ہونی ہے شہید ایک نہ اک روز تمنا
موقوف ہو کیا مرثیہ خوانی مرے دل کی

یگانہ چنگیزی

مرد جاہل ہوں کجا میں اور کجا اہل کمال
یاسؔ کیا معلوم انداز غزل خوانی مجھے

عبدالحمید عدم

کان دھرتے ہی نہیں وہ بات پر
کب سے مصروف ثنا خوانی ہوں میں

عرفان صدیقی

ہمارے دل کو اک آزار ہے ایسا نہیں لگتا
کہ ہم دفتر بھی جاتے ہیں غزل خوانی بھی کرتے ہیں

اختر شیرانی

فصلِ گل جانے کو ہے دورِ خزاں آنے کو ہے
یہ چمن یہ بلبلیں یہ نغمہ خوانی پھر کہاں
آج آئے ہو تو سنتے جاؤ یہ تازہ غزل
ورنہ اخترؔ پھر کہاں یہ شعر خوانی پھر کہاں

علی سردار جعفری

لگاتے ہیں لبوں پر مہر ارباب زباں بندی
علی سردارؔ کی شانِ غزل خوانی نہیں جاتی

تلوک چند محروم

نغمہ زن صحرا میں ہو جس طرح کوئی عندلیب
یوں ہے اے محرومؔ سرحد میں غزل خوانی مری

امیر مینائی

تو سہی کلمہ ترا پڑھوا کے چھوڑوں اے صنم
زاہدوں کو ہے بہت تسبیح خوانی پر گھمنڈ