فیض احمد فیض

ہم نے سب شعر میں سنوارے تھے
ہم سے جتنے سخن تمہارے تھے

باقی صدیقی

رکھ لیا ہم نے تری مست نگاہی کا بھرم
بے خودی میں بھی ترے کام سنوارے کتنے

جگر مراد آبادی

وہ ہمیں ہیں کہ جن کے ہاتھوں نے
گیسوئے زندگی سنوارے ہیں

جمال احسانی

اب کیا سوچنا ایسی ویسی باتوں پہ
ان ہاتھوں نے بال سنوارے کس کے ہیں

رئیس فروغؔ

یہ سوچتے ہیں کہ اس بار ہم سے ملنے کو
وہ اپنے بال کس انداز میں سنوارے گا

حفیظ جالندھری

بصیرت نہیں ہے تو سیرت بھی کیوں ہو
فقط شکل و صورت سنوارے چلا چل

عزیز حامد مدنی

کیا ہوئے باد بیاباں کے پکارے ہوئے لوگ
چاک در چاک گریباں کو سنوارے ہوئے لوگ

احمد فراز

باپ لرزاں ہے کہ پہنچی نہیں بارات اب تک
اور ہم جولیاں دلہن کو سنوارے جائیں

کلیم عاجز

کام بن جائے اگر زلف جنوں بن جائے
اس لیے اس کو سنوارو کہ سنوارے جاؤ