فیض احمد فیض

تیرے قول و قرار سے پہلے
اپنے کچھ اور بھی سہارے تھے

باقی صدیقی

یاں تک آئے اپنے سہارے
آگے وحشت جس کو پکارے
چل دیے چھوڑ کے احباب ہمارے کتنے
وقت نے چھین لیے دل کے سہارے کتنے

جگر مراد آبادی

اے سہاروں کی زندگی والو
کتنے انسان بے سہارے ہیں

عرفان صدیقی

حوصلے دیتا ہے یہ ابرِ گریزاں کیا کیا
زندہ ہوں دشت میں ہم اس کے سہارے جیسے

ضیا جالندھری

کتنے امکاں تھے جو خوابوں کے سہارے دیکھے
ماورا تھے جو نظر سے وہ نظارے دیکھے

تلوک چند محروم

آنکھیں وہ پھر گئیں کہ زمانہ الٹ گیا
جیتے تھے جو نظر کے سہارے اداس ہیں

حفیظ جالندھری

خدا کو نہ تکلیف دے ڈوبنے میں
کسی ناخدا کے سہارے چلا چل
افتاد کیوں ہے لغزشِ مستانہ کیوں نہیں
وہ عذر مے کشی کے سہارے کہاں گئے

سیف الدین سیف

جاتے ہجوم حشر میں ہم عاصیان دہر
اے لطف یار تیرے سہارے چلے گئے

کلیم عاجز

کوئی رستہ کوئی منزل اسے دشوار نہیں
جس جگہ چاہو محبت کے سہارے جاؤ

ناصر کاظمی

ہر منزل سے گزرے ہیں
تیرے غم کے سہارے ہم