فیض احمد فیض

اب کے خزاں ایسی ٹھہری وہ سارے زمانے بھول گئے
جب موسمِ گل ہر پھیرے میں آ آ کے دو بارا گزرے تھا

مصطفی زیدی

آندھی چلی تو نقشِ کفِ پا نہیں ملا
دل جس سے مل گیا وہ دو بارا نہیں ملا

عبید اللہ علیم

ایک چہرے میں تو ممکن نہیں اتنے چہرے
کس سے کرتے جو کوئی عشق دو بارا کرتے

فارغ بخاری

محبتوں کی شکستوں کا اک خرابہ ہوں
خدارا مجھ کو گراؤ کہ میں دو بارا بنوں

حسرت موہانی

ایک ہی بار ہوئیں وجہ گرفتاری دل
التفات ان کی نگاہوں نے دو بارا نہ کیا

فراق گورکھپوری

تیرا نام آتے ہی سکتے کا تھا عالم مجھ پر
جانے کس طرح یہ مذکور دو بارا نکلا