فیض احمد فیض

ہم نے دل میں سجا لیے گلشن
جب بہاروں نے بے رخی کی ہے

جون ایلیا

خود اپنے عشوہ و انداز کا شہید ہوں میں
خود اپنی ذات سے برتی ہے بے رخی میں نے

مجید امجد

اس التفات پر ہوں لاکھ التفات قرباں
مجھ سے کبھی نہ پھیرا رخ تو نے بے رخی کا

احسان دانش

دور تھا اک گزر چکا نشہ تھا اک اتر چکا
اب وہ مقام ہے جہاں شکوۂ بے رخی نہیں

ضیا جالندھری

بے حسی کا بھی اب نہیں احساس
کیا ہوا تیری بے رخی سے مجھے

اختر امام رضوی

دنیا بھی پیش آئی بہت بے رخی کے ساتھ
ہم نے بھی زخم کھائے بڑی سادگی کے ساتھ

شکیل بدایونی

خیال ترکِ محبت کی خیر ہو یا رب
کچھ آج مست نگاہوں کی بے رخی کم ہے

عزیز حامد مدنی

یہ زندگی ہی تلون مزاج ہے اے دوست
تمام ترکِ وفا تیری بے رخی بھی نہیں

فراق گورکھپوری

بتائے تو بتائے اس کو تیری شوخی پنہاں
تری چشم توجہ ہے کہ طرز بے رخی بدلا