مرزا رفیع سودا

دل مت ٹپک نظر سے کہ پایا نہ جائے گا
جوں اشک پھر زمیں سے اٹھایا نہ جائے گا
عمامے کو اتار کے پڑھیو نماز شیخ
سجدے سے ورنہ سر کو اٹھایا نہ جائے گا

عبدالحمید عدم

آنکھوں سے پلاتے رہو ساغر میں نہ ڈالو
اب ہم سے کوئی جام اٹھایا نہیں جاتا

عرفان صدیقی

پھر ملا دے اسی مٹی میں یہ حق ہے اس کو
اس نے آ کر اسی مٹی سے اٹھایا ہے مجھے

الطاف حسین حالی

اے دل رضائے غیر ہے شرط رضائے دوست
زنہار بار عشق اٹھایا نہ جائے گا

زہرا نگاہ

کوئی ہنگامہ سرِ بزم اٹھایا جائے
کچھ کیا جائے چراغوں کو بجھایا جائے