یگانہ چنگیزی

اشارۂ گل و بلبل پہ چشمک نرگس
الٰہی راز کسی کا بھی آشکار نہ ہو
اگر اپنی چشمِ نم پر مجھے اختیار ہوتا
تو بھلا یہ رازِ الفت کبھی آشکار ہوتا
لالے کا داغ دیکھ کے چتون بدل گئی
تیور سے صاف راز جنوں آشکار تھا

باقی صدیقی

زمانہ راز ہے تو راز ہی رہے باقیؔ
اسی میں اپنا بھرم ہے کہ آشکار نہیں

قمر جلالوی

تمھاری رسوائیوں کے ڈر سے نہ کیں جنوں آشکار باتیں
اگر گریباں پہ ہاتھ جاتا تمھیں سناتے ہزار باتیں

احسان دانش

ہزار کثرت رعنا نے چلمنیں ڈالیں
بہر حجاب تعین وہ آشکار رہے

حسرت موہانی

بہت نادم ہوئے آخر وہ میرے قتل ناحق پر
ہوئی قدرِ وفا جب آشکار آہستہ آہستہ

میرا جی

چشمِ گریاں سے چاک داماں سے
حال سب آشکار ہے اپنا

ناصر کاظمی

تو ہی بتا کہ تری خامشی کو کیا سمجھوں
تری نگاہ سے کچھ آشکار بھی تو نہیں