یگانہ چنگیزی

اور کیا ہوتی یگانہؔ درد عصیاں کی دوا
کیا غزل یاد آئی واللہ فردِ عصیاں دیکھ کر

احسان دانش

میرے تخلیق ادب میں ہے قصیدہ معدوم
مجھ سے احسانؔ کسی وقت یہ عصیاں نہ ہوا

جوش ملیح آبادی

جب نہیں مستوریوں میں بھی گناہوں سے نجات
دل کھلے بندوں غریق بحر عصیاں کیوں نہ ہو

سیماب اکبر آبادی

تھا یہ فیض نگہِ لطف و کرم اے سیمابؔ
ہو گیا حرفِ غلط دفتر عصیاں میرا

فراق گورکھپوری

یہ وہ پردہ ہے جو دوشیزگی کو اور چمکا دے
سیہ کاری سے حسن آلودۂ عصیاں نہیں ہوتا

قتیل شفائی

جو بھی گل ہے یہاں فردوس بنا بیٹھا ہے
کون کھلتا ہے یہاں غنچۂ عصیاں کی طرح