مرزا غالب

ہم سے چھوٹا ’’قمار خانۂِ عشق‘‘
واں جو جاویں، گرہ میں مال کہاں
بوسہ دیتے نہیں اور دل پہ ہے ہر لحظہ نگاہ
جی میں کہتے ہیں کہ مفت آئے تو مال اچھا ہے

انشاء اللہ خان انشا

چشمک خال رخ نے صاف کہا
ہے تبسم مآل بوسے کا
ہے ترا گال مال بوسے کا
کیوں نہ کیجے سوال بوسے کا
ہے ترا گال مال بوسہ کا
کیوں نہ کیجے سوال بوسہ کا

حیدر علی آتش

گرو ہوا تو اسے چھوٹنا محال ہوا
دل غریب مرا مفلسوں کا مال ہوا
بوسہ دیے سے حسن میں ہو گی کمی نہ یار
ہوتا نہیں زکوٰۃ سے نقصان مال کا
ان ہاتھوں کی دولت سے کڑا مال ہوا ہے
ان پاؤں سے آوازۂِ خلخال ہوا ہے

مصحفی غلام ہمدانی

نفس گرم سے لیتا ہے وہ اکسیر بنا
دھونکنی دم کی ہے شاعر کے زر و مال کی کھال
لیکھے کی یاں بہی نہ زر و مال کی کتاب
ہے اپنے حق میں وا شد دل فال کی کتاب

شکیب جلالی

ہر موڑ پر ملیں گے کئی راہ زن شکیبؔ
چلیے چھپا کے غم بھی زر و مال کی طرح

عرفان صدیقی

کہاں سے آئے ہو جنسِ وفا خریدنے کو
میاں، یہاں کی دکانوں پہ مال دوسرے ہیں

عبید اللہ علیم

اسی کا کام ہے اس دکھ بھرے زمانے میں
محبتوں سے مجھے مالا مال کر رکھنا

تلوک چند محروم

دل کے طالب نظر آتے ہیں حسیں ہر جانب
اس کے لاکھوں ہیں خریدار کہ مال اچھا ہے

جلیل مانک پوری

مشتری دل کا یہ کہہ کہہ کے بنایا ان کو
چیز انوکھی ہے نئی جنس ہے مال اچھا ہے

شاد عظیم آبادی

لٹائے دیتے ہیں ان موتیوں کو دیدۂ شوق
بھر آئے اشک کہ مفلس کے ہاتھ مال آیا

احمد فراز

رہروانِ رہِ الفت کا مقدر معلوم
ان کا آغاز ہی اچھا نہ مال اچھا ہے