مرزا غالب

غنچۂِ ناشگفتہ کو دور سے مت دکھا، کہ یوں
بوسے کو پوچھتا ہوں میں، منہ سے مجھے بتا کہ یوں

بہادر شاہ ظفر

دل مرا بیٹھا ہے لے کر پھر مجھی سے وہ نگار
پوچھتا ہے ہاتھ میں میرے بتا کیا چیز ہے

داغ دہلوی

کچھ تعلق رہا نہ دنیا سے
شغل ایسا بتا دیا تو نے

جون ایلیا

نہیں املا درست غالبؔ کا
شیفتہؔ کو بتا چکا ہوں میں

عرفان صدیقی

بیس اکیس برس پیچھے ہمیں کب تک ملتے رہنا ہے
دیکھو، اب کی بار ملو تو دل کی بات بتا دینا

رئیس فروغؔ

دلِ دریا ہے دل ساگر ہے اس دریا اس ساگر کی
ایک ہی لہر کا آنچل تھامے ساری عمر بتا دینا

اختر شیرانی

تیرا رومان نیا خواب ہے اخترؔ کے لیے
آ اور اس خواب کی تعبیر بتا دے آ کر

آنس معین

بازار میں خوشبو کے خریدار کہاں ہیں
یہ پھول ہیں بے رنگ بتا دیں تو کسے دیں

عبید اللہ علیم

مجھ پہ طاری ہے رہِ عشق کی آسودہ تھکن
تجھ پہ کیا گزری مرے چاند بتا کیوں چپ ہے

احمد راہی

حال دل کتنا ہی انسان چھپائے یارو
حال دل اس کا تو چہرہ ہی بتا دیتا ہے

جوش ملیح آبادی

زیر دنداں دبا کے سرخ انگشت
عمر اپنی بتا رہا ہے یہ کون

حسرت موہانی

دل میں کیا کیا تھے عرضِ حال کے شوق
اس نے پوچھا تو کچھ بتا نہ سکے

اختر ہوشیارپوری

زہراب زندگی تو رگوں میں اتر گیا
اب اے غم فراق بتا کیا کرے کوئی

فراق گورکھپوری

تاروں کی آنکھ بھی بھر آئی میری صدائے درد پر
ان کی نگاہیں بھی ترا نام بتا کے رہ گئیں

کلیم عاجز

ہر چوٹ پہ پوچھے ہے بتا یاد رہے گی
ہم کو یہ زمانے کی ادا یاد رہے گی