باقی صدیقی

زندہ رہنے کا تو باقیؔ یہ بھی اک انداز ہے
بیٹھ کر غیروں میں اپنے آپ پر ہنستا رہوں

بشیر بدر

شاید اسے بھی لے گئے اچھے دنوں کے قافلے
اس باغ میں اک پھول تھا تیری طرح ہنستا ہوا

زہرا نگاہ

سارہ آرائش کا ساماں میز پر سوتا رہا
اور چہرہ جگمگاتا جاگتا ہنستا لگا

احمد فراز

ایک دیوانہ یہ کہتے ہوئے ہنستا جاتا
کاش منزل سے بھی آگے کوئی رستا جاتا
آج تک یاد ہے اظہارِ محبت کا وہ پل
کہ مری بات کی لکنت پہ وہ ہنستا جاتا

میرا جی

نہیں گریہ و خندہ میں فرق کوئی
جو روتا گیا دل تو ہنستا گیا دل

ناصر کاظمی

ماتھے پر بوندوں کے موتی
آنکھوں میں کاجل ہنستا تھا
میری پیاسی تنہائی پر
آنکھوں کا دریا ہنستا تھا