باقی صدیقی

شبِ غم کا کوئی سوال نہیں
نیند آئے تو سو بھی جاتے ہیں

آنس معین

پتھر ہیں سبھی لوگ کریں بات تو کس سے (ردیف .. ن)
پتھر ہیں سبھی لوگ کریں بات تو کس سے

سید ضمیر جعفری

یہ زنجیر بھی اتنی محکم نہیں
حقائق بھی ذاتی خیالات ہیں
کوئی شخص خوبی سے خالی نہیں
ہر اک شخص کے اپنے حالات ہیں

احمد فراز

کوئی بھی فیصلہ دینا ابھی درست نہیں
کہ واقعات ابھی کروٹیں بدلتے ہیں
کوئی سخن برائے قوافی نہیں ‌کہا
اک شعر بھی غزل میں اضافی نہیں کہا
صورت تھی کہ ہم جیسے صنم ساز بھی گم تھے
مورت تھی کہ ہم جیسے پجاری نہیں‌ بھولے
ہم اپنے تئیں لاکھ زخود رفتہ ہوں لیکن
یوں ہے کہ کوئی بات تمہاری نہیں ‌بھولے

نوح ناروی

دل سا بھی کوئی ہم درد نہیں ہم سا بھی کوئی دل سوز نہیں
ہم جلتے ہیں تو دل جلتا ہے دل بھنتا ہے تو ہم بھنتے ہیں