باقی صدیقی

کر رہے ہیں کوئی خطا جیسے
اس طرح ہم بھلائی کرتے ہیں

جون ایلیا

اب یہ صورت ہے جانِ جاں کہ تجھے
بھولنے میں مری بھلائی ہے

جگر مراد آبادی

سب کو ہم بھول گئے جوش جنوں میں لیکن
اک تری یاد تھی ایسی جو بھلائی نہ گئی

تلوک چند محروم

خود زندگی برائی نہیں ہے تو اور کیا
محرومؔ جب کسی سے بھلائی نہ ہو سکی

حسرت موہانی

غم دوری نے کشاکش تو بہت کی لیکن
یاد ان کی دل حسرتؔ سے بھلائی نہ گئی

شاد عظیم آبادی

شادؔ دشمن کی شکایت کا وظیفہ بے کار
کیا غرض تھی کہ مرے ساتھ بھلائی کرتا