باقی صدیقی

مٹ گیا ہے دل سے کیا تیرا خیال
اتنا دنیا کو کبھی چاہا نہیں

احسان دانش

مدعائے دل کہوں احسانؔ کس امید پر
وہ جو چاہیں گے کریں گے اور جو چاہا کر دیا

ظہیر کاشمیری

یہ مان لیا عہدِ وفا بھول چکے ہو
کیا بھول کے بھی تم ہمیں چاہا نہ کرو گے

اختر ہوشیارپوری

چاندنی سے بھی سلگ اٹھتا ہے ویرانۂ جاں
یہ اگر جانتے سورج ہی کو چاہا ہوتا

قیوم نظر

خواہشوں کی موت کا یارو بھلا چاہا کرو
پھیلتی تاریکیوں میں چاند کا چرچا کرو

کلیم عاجز

چاہ کا معیار اونچا چاہیے
جو نہ چاہیں ان کو چاہا چاہیے