باقی صدیقی

غمِ دل کیا، غمِ دنیا بھی نہیں
تم نہیں تو کوئی رونا بھی نہیں
غم بنا دے نہ تماشا ہم کو
ہنسنا آیا ہے نہ رونا ہم کو

حسرت موہانی

ہو جاتی تھی تسکین سو اب فرط الم سے
اس بات کو روتے ہیں کہ رونا نہیں آتا

حفیظ جالندھری

عشق نے حسن کی بیداد پہ رونا چاہا
تخم احساس وفا سنگ میں بونا چاہا
ہائے کس درد سے کی ضبط کی تلقین مجھے
ہنس پڑے دوست جو میں نے کبھی رونا چاہا

میرا جی

ہنسو تو ساتھ ہنسے گی دنیا بیٹھ اکیلے رونا ہو گا
چپکے چپکے بہا کر آنسو دل کے دکھ کو دھونا ہو گا