باقی صدیقی

غمگساروں کا سہارا کب تک
خود پہ بھی کر کے بھروسا دیکھو

جون ایلیا

اپنے معیار تک نہ پہنچا میں
مجھ کو خود پر بڑا بھروسا تھا

عرفان صدیقی

ہوا رکے تو وہی اک صدا سنائی دے
’’انیس دم کا بھروسا نہیں ٹھہر جاؤ‘‘

مجید امجد

مجھے ڈھکی چھپی ان بوجھی الجھنوں سے ملا
جچی تلی ہوئی اک سانس کا بھروسا بھی

الطاف حسین حالی

جہاں میں حالیؔ کسی پہ اپنے سوا بھروسا نہ کیجیے گا
یہ بھید ہے اپنی زندگی کا بس اس کا چرچا نہ کیجیے گا

بشیر بدر

تم مری زندگی ہو یہ سچ ہے
زندگی کا مگر بھروسا کیا

حسرت موہانی

صوم زاہد کو مبارک رہے عابد کو صلوٰۃ
عاصیوں کو تری رحمت پہ بھروسا کرنا

فراق گورکھپوری

سر میں سودا بھی نہیں دل میں تمنا بھی نہیں
لیکن اس ترکِ محبت کا بھروسا بھی نہیں

کلیم عاجز

ہائے کیا دل ہے کہ لینے کے لیے جاتا ہے
اس سے پیمانِ وفا جس پہ بھروسا بھی نہیں

محبوب خزاں

حسن تو ہو چلا زمانہ شناس
عشق کا بھی کوئی بھروسا نہیں

ناصر کاظمی

خدا وہ دن نہ دکھائے تجھے کہ میری طرح
مری وفا پہ بھروسا نہ کر سکے تو بھی