باقی صدیقی

اک ستارہ فلک سے ٹوٹا تھا
ہم جسے صبح کی ضیا سمجھے
تیرے جانے پہ ہوا ہے معلوم
شمعِ روشن تھی ضیا سے تیری

عبدالحمید عدم

جو اندھیرا تیری زلفوں کی طرح شاداب ہو
اس اندھیرے کو ضیا تسلیم کر لیتا ہوں میں

شکیب جلالی

اس دشت میں قدموں کے نشاں ڈھونڈ رہے ہو
پیڑوں سے جہاں چھن کے ضیا تک نہیں آتی

عرفان صدیقی

کل نیند کی آنکھوں میں چمکتے تھے ستارے
کل خواب بچھونوں پہ کھلونوں کی ضیا تھی
کل رات سناتی تھی فرشتوں کی کہانی
کل نرم رداؤں میں ڈعاؤں کی ضیا تھی
ہم سے وہ جانِ سخن ربطِ نوا چاہتی ہے
چاند ہے اور چراغوں سے ضیا چاہتی ہے
عجب یہ کہنہ سرا ہے ، عجب چراغ ہیں ہم
کہ ساری رات جلیں اور ضیاء نہ ہونے پائے

علی سردار جعفری

تیرگی جتنی بڑھے حسن ہو افزوں تیرا
کہکشاں مانگ میں ماتھے پہ ضیا مانگتے ہیں

حسرت موہانی

اس چہرۂ ِ انور کی ضیا میرے لیے ہے
وہ زلفِ سیہ تاب دوتا میرے لیے ہے

حفیظ جالندھری

کس طرح نہ قائل ہوں دعائے سحری کا
اس لب پہ تبسم کی ضیا دیکھ رہا ہوں

سید ضمیر جعفری

خدا معلوم دل کو جستجو ہے کن جزیروں کی
نہ جانے کن ستاروں کی ضیا کو دیکھتا ہوں میں

سلام مچھلی شہری

میں تو بس ان کے ہی رنگ و نور کا عکاس تھا
مضطرب ہے کیوں ستاروں کی ضیا میرے لیے

شکیل بدایونی

خانۂ امید بے نور و ضیا ہونے کو ہے
چشمِ تر سے آخری آنسو جدا ہونے کو ہے

احمد فراز

ایک تو وہ ہمراز مرا ہے ، پھر تیرا مداح
بس تیرا ہی ذکر کیا کرتے ہیں‌ ضیا اور میں

قتیل شفائی

کہیں شکم کے تقاضے نظر نہیں آتے
چراغ دیر و حرم کی ضیا بھی خوب رہی

ناصر کاظمی

آئینہ لے کے صبا پھر آئی
بجھتی آنکھوں میں ضیا پھر آئی