باقی صدیقی

جوئے شیر آتی ہے دل سے باقیؔ
خود پہ ہی پڑتا ہے تیشہ پہلے

سراج الدین ظفر

خشت و سنگ نا تراشیدہ سے ابھرا خد حسن
مے گساروں کی نگاہیں ہیں کہ ضربِ تیشہ ہیں
ہم نہیں ہیں کوہ کن لیکن ہماری یادگار
وقت کے کوہِ گراں پر کچھ نقوش تیشہ ہیں

اختر ہوشیارپوری

جب میں اخترؔ پتھروں کو آئنہ دکھلا چکا
میں نے دیکھا آئنوں کے ہاتھ میں تیشہ بھی ہے

ناصر کاظمی

راکھ کا ڈھیر ہے وہ دل ناصر
جس کی دھڑکن صدائے تیشہ نہیں