باقی صدیقی

دیکھئے رات کیسے ڈھلتی ہے
دور ابھی ایک شمع جلتی ہے

عرفان صدیقی

دیارِ دل میں کبھی صبح کا گجر نہ بجا
بس ایک درد کی شب ساری عمر ڈھلتی رہی
بہتر یہی ہو گا کہ ہم آرام سے سو جائیں
اچھی شبِ وعدہ ہے کہ ڈھلتی ہی چلی جائے

عزیز حامد مدنی

مطرب خوش آواز ہوئی ہے زخم آور آہنگ بلا
وہ جو مرے حصے کی لے تھی تیرے گلے میں ڈھلتی ہے
تغیر کی صدی ہے آتشیں خوابوں کی پیکاریں
رصد گاہوں کے آئینوں میں اک تعبیر ڈھلتی ہے
لہو میں آپ جل اٹھتی ہے کوئی شمع‌ خلوت سی
وصال انداز اس کے خواب میں جب رات ڈھلتی ہے

محبوب خزاں

بکھر گئے مجھے سانچے میں ڈھالنے والے
یہاں تو ذات بھی سانچے سمیت ڈھلتی ہے

ناصر کاظمی

برف گرتی رہے آگ جلتی رہے
آگ جلتی رہے رات ڈھلتی رہے