باقی صدیقی

دیکھئے رات کیسے ڈھلتی ہے
دور ابھی ایک شمع جلتی ہے

قمر جلالوی

ہے بزمِ جہاں میں ناممکن بے عشق سلامت حسن رہے
پروانے تو جل کر خاک ہوئے اب شمع بھی جلتی جاتی ہے

عرفان صدیقی

قدم اٹھے تو گلی سے گلی نکلتی رہی
نظر دیے کی طرح چوکھٹوں پہ جلتی رہی
ہم تو خس و خاشاک سمجھتے تھے بدن کو
یہ کون سی مٹی ہے کہ جلتی ہی چلی جائے

رئیس فروغؔ

دن تو ہنسنے ہنسانے میں بتائے گوری
شام کو دیپ جلاتے ہوئے جلتی جائے

احمد راہی

درد وہ آگ کہ بجھتی نہیں جلتی بھی نہیں
یاد وہ زخم کہ بھرتا نہیں رستا بھی نہیں

عزیز حامد مدنی

جی دارو! دوزخ کی ہوا میں کس کی محبت جلتی ہے
تیز دہکتی آگ زمیں پر خندق خندق چلتی ہے
خاکستر دل کی تھی آخر ملتی راکھ میں تاروں کی
آتش مہر سا جست سا کرتی بجھتے بجھتے جلتی ہے

محبوب خزاں

یہ سرد مہر اجالا یہ جیتی جاگتی رات
ترے خیال سے تصویر ماہ جلتی ہے

ناصر کاظمی

برف گرتی رہے آگ جلتی رہے
آگ جلتی رہے رات ڈھلتی رہے