باقی صدیقی

آرزو چیت بے کلی ساون
تیری نظروں سے رت بدلتی ہے

قمر جلالوی

عارض پہ نمایاں خال ہوئے پھر سبزۂ خط آغاز ہوا
قرآں تو حقیقت میں ہے وہی تفسیر بدلتی جاتی ہے
توہینِ محبت بھی نہ رہی وہ جورو ستم بھی چھوٹ گئے
پہلے کی بہ نسبت حسن کی اب ہر بات بدلتی جاتی ہے
شکوہ بھی اگر میں کرتا ہوں تو جورِ فلک کا کرتا ہوں
بے وجہ قمر تاروں کی نظر کیوں مجھ سے بدلتی جاتی ہے

عرفان صدیقی

ہتھیلیوں نے بچایا بہت چراغوں کو
مگر ہوا ہی عجب زاویے بدلتی رہی
میں ہوں کہ جو دھوکا نہیں کھاتا کسی صورت
دنیا ہے کہ یہ روپ بدلتی ہی چلی جائے

رئیس فروغؔ

کیسی باتیں ہیں کہ جاناں تری ہر بات کے ساتھ
در و دیوار کی رنگت بھی بدلتی جائے

عزیز حامد مدنی

شمس و قمر کی خاکستر میں روح تھی اک آرائش کی
دنیا بیچ میں جا کے کھڑی ہے اور لباس بدلتی ہے
وہ ساعت صورت چقماق جس سے لو نکلتی ہے
تلاش آدمی کے زاویے کیا کیا بدلتی ہے

محبوب خزاں

تمہارے شہر کا انصاف ہے عجب انصاف
ادھر نگاہ ادھر زندگی بدلتی ہے