باقی صدیقی

مرحلے زیست کے آسان ہوئے
شہر کچھ اور بھی ویران ہوئے

عرفان صدیقی

کچھ عشق کے نصاب میں کمزور ہم بھی ہیں
کچھ پرچۂ سوال بھی آسان چاہیے

اکبر معصوم

خود سے نکلوں بھی تو رستہ نہیں آسان مرا
میری سوچیں ہیں گھنی خوف ہے گنجان مرا

جلیل مانک پوری

کرم میں مزہ ہے ستم میں ادا ہے
میں راضی ہوں جو تجھ کو آسان ہو کر

حسرت موہانی

اے شوق تری پستی ہمت کا برا ہو
مشکل ہوئے جو کام تھے آسان ہزاروں

سیف الدین سیف

راہ آسان ہو گئی ہو گی
جان پہچان ہو گئی ہو گی
موت سے تیرے درد مندوں کی
مشکل آسان ہو گئی ہو گی
مرنے والوں پہ سیفؔ حیرت کیوں
موت آسان ہو گئی ہو گی

سیماب اکبر آبادی

جہاں جانے کو سب دشوار ہی دشوار کہتے ہیں
وہاں جانے کا کوئی راستہ آسان پیدا کر

شاد عظیم آبادی

مصیبت جس سے زائل ہو رہی سامان کر دے گا
نہ گھبرانا خدا سب مشکلیں آسان کر دے گا

فانی بدایونی

اقرار وصل تو ہے ایسا نہ ہو نہ آئیں
مشکل ہماری ہو کر آسان رہ نہ جائے

فراق گورکھپوری

حیات عشق کا اک اک نفس جام شہادت ہے
وہ جان ناز برداراں کوئی آسان لیتے ہیں

محسن احسان

سر جھکائے ہوئے کیوں بیٹھے ہیں ارباب وفا
مرحلہ کون سا مشکل تھا جو آسان ہوا

میرا جی

بھلی بری جیسی بھی گزری ان کے سہارے گزری ہے
حضرتِ دل جب ہاتھ بڑھائیں ہر مشکل آسان کریں