باقی صدیقی

احساس ملا ہے سب کو لیکن
چمکا ہے کوئی کوئی ستارا

عرفان صدیقی

بیکراں رات میں تو انجمن آراء ہے کہ ہم
اے زمیں تو اس اندھیرے کا ستارا ہے کہ ہم

مجید امجد

رات، آسماں پہ چاند کی منڈلی میں کون تھا
تم تھے کہ اک ستار بجاتا ستارا تھا

اختر شیرانی

عظمت گریہ کو کوتاہ نظر کیا سمجھیں
اشک اگر اشک نہ ہوتا تو ستارا ہوتا

عبید اللہ علیم

ایک ایسی بھی گھڑی عشق میں آئی تھی کہ ہم
خاک کو ہاتھ لگاتے تو ستارا کرتے

فارغ بخاری

جبیں کا چاند بنوں آنکھ کا ستارا بنوں
کسی جمال شفق تاب کا سہارا بنوں

ثروت حسین

لب کھولے پری زاد نے آہستہ سے ثروتؔ
جوں گفتگو کرتا ہے ستارے سے ستارا

سیماب اکبر آبادی

آنکھ سے ٹپکا جو آنسو وہ ستارا ہو گیا
میرا دامن آج دامان ثریا ہو گیا

اکبر حمیدی

کہتے ہیں ہم ادھر ہیں ستارا ہے جس طرف
میں جانتا ہوں ان کا اشارا ہے جس طرف

احمد فراز

جان نکلی کسی بسمل کی نہ سورج نکلا
بجھ گیا کیوں شبِ ہجراں کا ستارا جانے

قتیل شفائی

بنا سکوں جسے جھومر تمہارے ماتھے کا
فلک پہ آج بھی ایسا کوئی ستارا نہیں

محسن احسان

روشنی آج عجب تیرگی خاک میں ہے
آسماں دیکھ ترا ایک ستارا کم ہے

محسن نقوی

اشک اپنا کہ تمہارا نہیں دیکھا جاتا
ابر کی زد میں ستارا نہیں دیکھا جاتا