جون ایلیا

جو گزاری نہ جا سکی ہم سے
ہم نے وہ زندگی گزاری ہے
دل اب دنیا پہ لعنت کر کہ اس کی
بہت خدمت گزاری ہو گئی ہے
مرے پاس آ کے خنجر بھونک دے تو
بہت نیزہ گزاری ہو گئی ہے
ہے پہلو میں ٹکے کی اک حسینہ
تری فرقت گزاری جا رہی ہے
دل اس کے رو بہ رو ہے اور گم صم
کوئی عرضی گزاری جا رہی ہے

عرفان صدیقی

ہم تو رات کا مطلب سمجھیں خواب، ستارے ، چاند، چراغ
آگے کا احوال وہ جانے جس نے رات گزاری ہو
کشتی تو اپنی خود ہی جلا دی، بستی ہماری دریا کنارے
دریا سے پوچھو، رات یہ ہم نے کیسے گزاری دریا کنارے

شکیل بدایونی

ہائے وہ بادہ کش کہ جس نے شکیلؔ
زندگی بے پئے گزاری ہے

احمد فراز

وہ شکل وہ لالے کی سی کیاری نہیں بھولے
اگبور میں جو شام گزاری نہیں بھولے