جون ایلیا

ہے جو ہمارا ایک حساب اس حساب سے
آتی ہے ہم کو شرم کہ پیہم ملے تمہیں

جگر مراد آبادی

مری آنکھوں نے دیکھا ہے وہ عالم
کہ ہر عالم ہے لغزش ہائے پیہم

عرفان صدیقی

کیا خبر کون سی تقصیر پہ ناراض نہ ہو
وہ شکایت بھی تو پیہم نہیں کرتا ہم سے

مصطفی زیدی

گریہ تو اکثر رہا پیہم رہا
پھر بھی دل کے بوجھ سے کچھ کم رہا

احسان دانش

تبسم پھول برساتا ہے جن رنگین ہونٹوں سے
انہی ہونٹوں پہ اک دن نالۂ پیہم بھی ہوتا ہے

زہرا نگاہ

جس عالم کو ہو کا عالم کہتے ہیں
وہ عالم تھا اور وہ عالم پیہم تھا

ضیا جالندھری

ایک وہ آن کہ ان کی ذرا سی بات گوارا کر نہ سکے
ایک یہ حال کہ یاد میں ان کی روئے پیہم دور ہی دور
کتنے ناپید اجالوں سے کیا ہے آباد
وہ اندھیرا جو مری آنکھوں پہ پیہم برسا

عبید اللہ علیم

اس لمحے تو گردشِ خوں نے میری یہ محسوس کیا
جیسے سر پہ زمیں اٹھائے اک رقص پیہم میں ہوں

احمد راہی

خیال تھا ترے پہلو میں کچھ سکوں ہوگا
مگر یہاں بھی وہی اضطراب پیہم ہے

جوش ملیح آبادی

نمایاں منتہائے سعئ پیہم ہوتی جاتی ہے
طبیعت بے نیاز ہر دو عالم ہوتی جاتی ہے

حفیظ ہوشیارپوری

ناکامی سی ناکامی ہے محرومی سی محرومی ہے
دل کا منانا سعیِ مسلسل ان کو بھلانا کوشش پیہم
ذرا دیر آشنا چشمِ کرم ہے
ستم ہی عشق میں پیہم نہ ہوں گے

فانی بدایونی

واہمہ کی یہ مشق پیہم کیا
یاس و امید شادی و غم کیا

شاذ تمکنت

کبھی زیادہ کبھی کم رہا ہے آنکھوں میں
لہو کا سلسلہ پیہم رہا ہے آنکھوں میں

فراق گورکھپوری

اس میں ٹھہراؤ یا سکون کہاں
زندگی انقلاب پیہم ہے

مجروح سلطان پوری

حرم سے مے کدے تک منزل یک عمر تھی ساقی
سہارا گر نہ دیتی لغزش پیہم تو کیا کرتے

ناصر کاظمی

گریہ پیہم رہا ہے آنکھوں میں
رات بھر نم رہا ہے آنکھوں میں