جون ایلیا

ہے عجب طور حالت گریہ
کہ مژہ کو نمی سے خطرہ ہے

شکیب جلالی

جو داستاں نہ بنے دردِ بیکراں ہے وہی
جو آنکھ ہی میں رہے وہ نمی سمندر ہے

سلام مچھلی شہری

ہاں ان حسین آنکھوں میں رقصاں ہے زندگی
پلکوں کی ہو سکے تو نمی بھی نبھائیے

اختر ہوشیارپوری

طوفان ابر و باد سے ہر سو نمی بھی ہے
پیڑوں کے ٹوٹنے کا سماں دیدنی بھی ہے

احمد فراز

اب کے جانے کا نہیں موسم گر یہ شاید
مسکرائیں بھی تو آنکھوں میں نمی رہتی ہے

فراق گورکھپوری

اس وادی ویراں میں ہے سر چشمۂ دل بھی
ہستی مری سیراب ہے آنکھوں کی نمی سے

قیوم نظر

دھندلا دیا زیست کا تصور
اپنی آنکھوں ہی کی نمی نے

ناصر کاظمی

گردشِ وقت کی لوریاں رات کی رات میں
پھر کہاں یہ ہوا یہ نمی سو رہو سو رہو
یہ خوابِ سبز ہے یا رت وہی پلٹ آئی
چھتوں پہ گھاس ہوا میں نمی پلٹ آئی