جون ایلیا

لمحے لمحے کی نارسائی ہے
زندگی حالت جدائی ہے
ہم عجب ہیں کہ اس کی بانہوں میں
شکوۂ نارسائی کرتے ہیں

الطاف حسین حالی

بخت ہم داستانی شیدا
تو نے آخر کو نارسائی کی

فانی بدایونی

وہم کو بھی ترا نشاں نہ ملا
نارسائی سی نارسائی ہے

احمد فراز

یہ حوصلہ بھی بڑی بات ہے شکست کے بعد
کہ دوسروں کو تو الزام نارسائی نہ دوں

شاذ تمکنت

مجھے تو اپنی ندامت کی داد بھی نہ ملی
میں اس کے ساتھ رہا اپنی نارسائی تک