جون ایلیا

خود کو بھولا ہوں اس کو بھولا ہوں
عمر بھر کی یہی کمائی ہے
پل قیامت کے سود خوار ہیں جونؔ
یہ ابد کی کمائی کرتے ہیں

عرفان صدیقی

اوروں کا لہو لٹانے والے
کچھ اپنی کمائی دے تو جانوں

احمد فراز

وحشتِ دل صلۂ آبلہ پائی لے لے
مجھ سے یارب مرے لفظوں کی کمائی لے لے

اقبال ساجد

سنہرے حرف بھی مٹی کے بھاؤ بیچ دیے
تجھے تو میں نے نئے ذہن کی کمائی دی

قتیل شفائی

کیوں اوروں کے نام سے چھپواتا ہے اپنے شعر قتیلؔ
یوں برباد کیا نہیں کرتے اپنی نیک کمائی کو