مرزا غالب

جہاں میں ہو غم و شادی بہم، ہمیں کیا کام ؟
دیا ہے ہم کو خدا نے وہ دل کہ شاد نہیں

امام بخش ناسخ

انتقام اس کا کہیں لے نہ فلک ڈرتا ہوں
جھوٹے وعدوں سے جو وہ شاد کیا کرتے ہیں

انشاء اللہ خان انشا

لو فقیروں کی دعا ہر طرح آباد رہو
خود رہو موجیں کرو تازے رہو شاد رہو

مصحفی غلام ہمدانی

آتا ہے یہی جی میں فریاد کروں روؤں
رونے ہی سے ٹک اپنا دل شاد کروں روؤں

مومن خان مومن

وعدۂِ وصلت سے دل ہو شاد کیا
تم سے دشمن کی مبارک باد کیا
روزِ محشر کی توقع ہے عبث
ایسی باتوں سے ہو خاطر شاد کیا

جون ایلیا

تو نے رندوں کا حق مارا مے خانے میں رات گئے
شیخ کھرے سید ہیں ہم تو ہم نے سنایا شاد ہوئے
سند بخشی ہے عشق بے غرض کی
بہت ہی شاد فرمایا گیا ہے

قمر جلالوی

سامنے تصویر رکھ کر اس ستم ایجاد کی
داستاں کہنے کو بیٹھا ہوں دلِ نا شاد کی
کیا کروں چونکے نہ وہ قسمت دلِ نا شاد کی
جس قدر فریاد مجھ سے ہو سی فریاد کی
اس قدر رویا کہ ہچکی بندھ گئے صیاد کی
لاش جب نکلی قفس سے بلبلِ نا شاد کی