جون ایلیا

کیا ہوئے صورت نگاراں خواب کے
خواب کے صورت نگاراں کیا ہوئے

ظہیر کاشمیری

کٹ جائے گا یہ کرب شبِ غم بھی اے ظہیرؔ
صبح نشاط و فصل نگاراں بھی آئے گی

علی سردار جعفری

سرد ہیں دل آتش روئے نگاراں چاہیے
شعلۂ رنگ بہارِ گل عذاراں چاہیے
اہلِ دل پر بارش لطف نگاہ دلنواز
مہرباں ہے عشقِ پر چشم نگاراں ان دنوں

شان الحق حقی

وہی اک فریب حسرت کہ تھا بخشش نگاراں
سو قدم قدم پہ کھایا بہ طریق پختہ کاراں
کسی منچلے نے بھیجا ہے مے سخن سے بھر کر
کہ یہ ساغرِ دل افزا ہے یہ نذر دل نگاراں

مجروح سلطان پوری

دست پر خوں کو کف دست نگاراں سمجھے
قتل گہہ تھی جسے ہم محفل یاراں سمجھے
دیکھ کے الجھن زلفِ دوتا کی کیسے الجھ پڑتے ہیں ہوا سے
ہم سے سیکھو ہم کو ہے یارو فکر نگاراں تم سے زیادہ