جگر مراد آبادی

وہی مے خانہ و صہبا وہی ساغر وہی شیشہ
مگر آواز نوشا نوش مدھم ہوتی جاتی ہے
وہی شورش ہے لیکن جیسے موج تہ نشیں کوئی
وہی دل ہے مگر آواز مدھم ہوتی جاتی ہے

احسان دانش

جوانی سیل شعر و بادۂ نغمہ سہی لیکن
یہ طوفان لطافت خود بخود مدھم بھی ہوتا ہے

زہرا نگاہ

روشنیاں اطراف میں زہراؔ روشن تھیں
آئینے میں عکس ہی تیرا مدھم تھا

ظہیر کاشمیری

بقدر دل یہاں سے شعلۂ جاں سوز ملتا ہے
چراغ حسن کی لو شوخ بھی ہے اور مدھم بھی