جگر مراد آبادی

آتش عشق وہ جہنم ہے
جس میں فردوس کے نظارے ہیں

جمال احسانی

کسی پہاڑ کی چوٹی پر چڑھ کر دیکھو
آنکھوں سے اوجھل نظارے کس کے ہیں

ضیا جالندھری

کتنے امکاں تھے جو خوابوں کے سہارے دیکھے
ماورا تھے جو نظر سے وہ نظارے دیکھے

تلوک چند محروم

جلوہ آفریں آخر ہو گیا مرے حق میں
دل کا جذب ہو جانا ہر حسیں نظارے میں
بہتر ہے ہم بھی چشم جہاں بیں کو موند لیں
دنیا کے اب تمام نظارے اداس ہیں

حفیظ جالندھری

یہ کیا مقام ہے وہ نظارے کہاں گئے
وہ پھول کیا ہوئے وہ ستارے کہاں گئے

سیف الدین سیف

آئے تھے ان کے ساتھ نظارے چلے گئے
وہ شب وہ چاندنی وہ ستارے چلے گئے

شکیل بدایونی

آنکھوں سے دور صبح کے تارے چلے گئے
نیند آ گئی تو غم کے نظارے چلے گئے
جلوے کہاں جو ذوقِ تماشا نہیں شکیلؔ
نظریں چلی گئیں تو نظارے چلے گئے