جگر مراد آبادی

ٹھہر ٹھہر دل بے تاب پیار تو کر لوں
اب اس کے بعد ملاقات پھر ہوئی نہ ہوئی
ہم اپنی رندی و طاعت پہ خاک ناز کریں
قبول حضرت سلطاں ہوئی ہوئی نہ ہوئی
کوئی بڑھے نہ بڑھے ہم تو جان دیتے ہیں
پھر ایسی چشم توجہ ہوئی ہوئی نہ ہوئی

شکیب جلالی

شاخو! بھری بہار میں رقصِ برہنگی!
مہکی ہوئی وہ چا درِ گل بار کیا ہوئی!

زہرا نگاہ

کشادہ تھے بہت بازوئے وحشت
یہ زنجیر خرد الجھی ہوئی تھی

عبید اللہ علیم

جلتی ہے کتنی دیر ہواؤں میں میرے ساتھ
اک شمع پھر مرے لیے روشن ہوئی تو ہے

علی سردار جعفری

اک صبح ہے جو ہوئی نہیں ہے
اک رات ہے جو کٹی نہیں ہے

شان الحق حقی

نہ پوچھ ہیئت طرف و چمن کہ ایسی بھی
بہار باغ میں بہکی ہوئی نہیں آتی

شکیل بدایونی

پایا ہے سب نے دل مگر اس دل کے باوجود
اک شے ملی ہے دل میں کھٹکتی ہوئی مجھے
کچھ تبسم زیرِ لب پر شرم دامن گیر ہے
اف یہ کس عالم میں کھنچوائی ہوئی تصویر ہے
پھونک دے برقِ تپاں میرا قفس بھی پھونک دے
آشیاں کی بھی تو اک بگڑی ہوئی تصویر ہے

اختر ہوشیارپوری

مجھے خبر ہے کہاں ہوں میں کون ہوں اخترؔ
کہ میرے نام سے صورت گری ہوئی میری
جس قدر نیچے اترتا ہوں میں
جھیل بھی گہری ہوئی جاتی ہے

احمد فراز

یاد آئی ہے تو پھر ٹوٹ کے یاد آئی ہے
کوئی گزری ہوئی منزل کوئی بھولی ہوئی دوست

ناصر کاظمی

آج تجھے کیوں چپ سی لگی ہے
کچھ تو بتا کیا بات ہوئی ہے
چہرہ افروز ہوئی پہلی جھڑی ہم نفسو شکر کرو
دل کی افسردگی کچھ کم تو ہوئی ہم نفسو شکر کرو